ഗുജറാത്ത് പൊലീസിന് ഇനി എ ടി വി
യു എസ് നിര്‍മാതാക്കളായ പൊളാരിസ് ഇന്‍ഡസ്ട്രീസ് ഇന്‍കോര്‍പറേറ്റഡിന്‍റെ ഉപസ്ഥാപനമായ പൊളാരിസ് ഇന്ത്യ പ്രൈവറ്റ് ലിമിറ്റഡില്‍ നിന്നുള്ള ഓള്‍ ടെറെയ്ന്‍ വെഹിക്കിള്‍(എ ടി വി) വാങ്ങാന്‍ ഗുജറാത്ത് പൊലീസ് തീരുമാനിച്ചു. ഓഫ് റോഡ് ഉപയോഗങ്ങള്‍ക്ക് അനുയോജ്യമെന്നു കരുതുന്ന ആര്‍ സെഡ് ആര്‍ എസ് 800 എ ടി വികളാണു ഗുജറാത്ത് പൊലീസ് വാങ്ങുക. വാഹനങ്ങളുടെ ഓണ്‍ സൈറ്റ്, ഓഫ് സൈറ്റ് പരിശീലനവും പരിപാലനവും വില്‍പ്പനാന്തര സേവനവുമടക്കമുള്ള ചുമതലകള്‍ പൊളാരിസിനാവും. സംസ്ഥാനത്തെ ദുര്‍ഘട പ്രദേശങ്ങളിലെയും തീര മേഖലകളിലെയും പട്രോളിങ്ങിലും ക്രമസമാധാന പാലനത്തിലും സഹായിക്കാനായാണു ഗുജറാത്ത് പൊലീസ് എ ടി വികള്‍ സ്വന്തമാക്കുന്നത്.
എ ടി വിയിലെ 760 സി സി, ഇരട്ട സിലിണ്ടര്‍ എന്‍ജിനു പരമാവധി 54 ബി എച്ച് പി കരുത്ത് സൃഷ്ടിക്കാനാവും. യാത്രക്കാരന്‍റെ സീറ്റിനു പിന്നില്‍ സ്ഥാപിച്ച എന്‍ജിന്‍ വാഹനത്തിന്‍റെ ഗുരുത്വാകര്‍ഷണ കേന്ദ്രം താഴെയാവാന്‍ സഹായിക്കാന്നു. മെച്ചപ്പെട്ട ഹാന്‍ഡ്ലിങ്ങും പ്രതികൂല സാഹചര്യങ്ങളില്‍ ഉയര്‍ന്ന സ്ഥിരതയും ഈ എ ടി വി വാഗ്ദാനം ചെയ്‌യുന്നുണ്ട്. ആഗോളതലത്തില്‍ തന്നെ പൊലീസ് സേനകള്‍ എ ടി വികള്‍ ഉപയോഗിക്കുന്നുണ്ടെന്ന് പൊളാരിസ് ഇന്ത്യ മാനേജിങ് ഡയറക്ടര്‍ പങ്കജ് ദൂബെ വിശദീകരിച്ചു. എന്നാല്‍ ഇന്ത്യയില്‍ ഏതെങ്കിലും സംസ്ഥാനത്തെ പൊലീസ് എ ടി വികള്‍ സ്വന്തമാക്കുന്നത് ഇതാദ്യമാണ്.
ദൃഢതയും കാര്യക്ഷമവുമായ പൊളാരിസ് എ ടി വികള്‍ ദുര്‍ഘട പ്രദേശങ്ങളില്‍ ഏറെ ഫലപ്രദമാവുമെന്ന് അദ്ദേഹം അവകാശപ്പെട്ടു. സമുദ്ര തീരത്തിനു പുറമെ ചതുപ്പുകളിലും പാറക്കെട്ടു നിറഞ്ഞ ഭാഗങ്ങളിലുമൊക്കെ പട്രോളിങ് നടത്താന്‍ എ ടി വികള്‍ ഫലപ്രദമാണെന്നും അദ്ദേഹം അഭിപ്രായപ്പെട്ടു. ഇന്ത്യന്‍ വിപണിയിലെ എ ടി വി വില്‍പ്പനയില്‍ മികച്ച വളര്‍ച്ചാനിരക്കാണു രേഖപ്പെടുത്തുന്നതെന്നും ദൂബെ വെളിപ്പെടുത്തി.
യു എസ് നിര്‍മാതാക്കളായ പൊളാരിസ് ഇന്‍ഡസ്ട്രീസ് ഇന്‍കോര്‍പറേറ്റഡിന്‍റെ ഉപസ്ഥാപനമായ പൊളാരിസ് ഇന്ത്യ പ്രൈവറ്റ് ലിമിറ്റഡില്‍ നിന്നുള്ള ഓള്‍ ടെറെയ്ന്‍ വെഹിക്കിള്‍(എ ടി വി) വാങ്ങാന്‍ ഗുജറാത്ത് പൊലീസ് തീരുമാനിച്ചു. ഓഫ് റോഡ് ഉപയോഗങ്ങള്‍ക്ക് അനുയോജ്യമെന്നു കരുതുന്ന ആര്‍ സെഡ് ആര്‍ എസ് 800 എ ടി വികളാണു ഗുജറാത്ത് പൊലീസ് വാങ്ങുക. വാഹനങ്ങളുടെ ഓണ്‍ സൈറ്റ്, ഓഫ് സൈറ്റ് പരിശീലനവും പരിപാലനവും വില്‍പ്പനാന്തര സേവനവുമടക്കമുള്ള ചുമതലകള്‍ പൊളാരിസിനാവും. സംസ്ഥാനത്തെ ദുര്‍ഘട പ്രദേശങ്ങളിലെയും തീര മേഖലകളിലെയും പട്രോളിങ്ങിലും ക്രമസമാധാന പാലനത്തിലും സഹായിക്കാനായാണു ഗുജറാത്ത് പൊലീസ് എ ടി വികള്‍ സ്വന്തമാക്കുന്നത്.
എ ടി വിയിലെ 760 സി സി, ഇരട്ട സിലിണ്ടര്‍ എന്‍ജിനു പരമാവധി 54 ബി എച്ച് പി കരുത്ത് സൃഷ്ടിക്കാനാവും. യാത്രക്കാരന്‍റെ സീറ്റിനു പിന്നില്‍ സ്ഥാപിച്ച എന്‍ജിന്‍ വാഹനത്തിന്‍റെ ഗുരുത്വാകര്‍ഷണ കേന്ദ്രം താഴെയാവാന്‍ സഹായിക്കാന്നു. മെച്ചപ്പെട്ട ഹാന്‍ഡ്ലിങ്ങും പ്രതികൂല സാഹചര്യങ്ങളില്‍ ഉയര്‍ന്ന സ്ഥിരതയും ഈ എ ടി വി വാഗ്ദാനം ചെയ്‌യുന്നുണ്ട്. ആഗോളതലത്തില്‍ തന്നെ പൊലീസ് സേനകള്‍ എ ടി വികള്‍ ഉപയോഗിക്കുന്നുണ്ടെന്ന് പൊളാരിസ് ഇന്ത്യ മാനേജിങ് ഡയറക്ടര്‍ പങ്കജ് ദൂബെ വിശദീകരിച്ചു. എന്നാല്‍ ഇന്ത്യയില്‍ ഏതെങ്കിലും സംസ്ഥാനത്തെ പൊലീസ് എ ടി വികള്‍ സ്വന്തമാക്കുന്നത് ഇതാദ്യമാണ്.
ദൃഢതയും കാര്യക്ഷമവുമായ പൊളാരിസ് എ ടി വികള്‍ ദുര്‍ഘട പ്രദേശങ്ങളില്‍ ഏറെ ഫലപ്രദമാവുമെന്ന് അദ്ദേഹം അവകാശപ്പെട്ടു. സമുദ്ര തീരത്തിനു പുറമെ ചതുപ്പുകളിലും പാറക്കെട്ടു നിറഞ്ഞ ഭാഗങ്ങളിലുമൊക്കെ പട്രോളിങ് നടത്താന്‍ എ ടി വികള്‍ ഫലപ്രദമാണെന്നും അദ്ദേഹം അഭിപ്രായപ്പെട്ടു. ഇന്ത്യന്‍ വിപണിയിലെ എ ടി വി വില്‍പ്പനയില്‍ മികച്ച വളര്‍ച്ചാനിരക്കാണു രേഖപ്പെടുത്തുന്നതെന്നും ദൂബെ വെളിപ്പെടുത്തി.
.jpg)
No comments:
Post a Comment