പഞ്ചസാര കാപ്പിക്ക് മധുരം മാത്രമല്ല, ബാറ്ററിക്ക് ചാര്‍ജും പകരുന്ന കാലം അകലെയല്ല. പഞ്ചസാരയില്‍നിന്ന് ചാര്‍ജ് സ്വീകരിച്ച് പത്ത് ദിവസത്തോളം മൊബൈല്‍ ഫോണ്‍ പ്രവര്‍ത്തിപ്പിക്കാന്‍ കഴിവുള്ള ബയോ-ബാറ്ററികളുമായി വിര്‍ജീനിയ ടെക്കിലെ ഗവേഷകര്‍. സാധാരണ ലിഥിയം-അയണ്‍ ബാറ്ററിയേക്കാള്‍ ഭാരം ഇവയ്ക്കുണ്ട്.ലിഥിയം-അയണ്‍ ബാറ്ററികള്‍ ഉപയോഗിച്ചാല്‍ ചാര്‍ജ് ഒരു ദിവസം മാത്രമേ നിലനില്‍ക്കു. എന്നാല്‍ ഭാവിയില്‍ അത് പഞ്ചസാരയെ ഇന്ധനമാക്കും. അതുവഴി കുറഞ്ഞത് പത്ത് ദിവസം വരെ ചാര്‍ജ്ജ് നിലനില്‍ക്കുമെന്ന് വിര്‍ജീനിയ ടെക്കിലെ ഗവേഷകനായ ഷിഗുവാങ് സു പറയുന്നു. പ്രോട്ടീന്‍ എന്‍സൈമുകളുടെ ഉപയോഗത്തിലൂടെയാണ് ബയോ-ബാറ്ററി ചാര്‍ജാവുന്നത്. പഞ്ചസാരയില്‍ നിന്നും രണ്ട് ജോഡി ഇലക്ട്രോണുകളെ സ്വതന്ത്രമാക്കുന്ന രണ്ട് ആക്ടീവ് എന്‍സൈമുകളാണ് ഇതില്‍ ഉപയോഗിക്കുന്നത്. മറ്റ് നൂറോളം എന്‍സൈമുകള്‍ ബയോ-ബാറ്ററിക്കുള്ളിലെ പ്രതിപ്രവര്‍ത്തങ്ങള്‍ക്ക് സഹായിക്കുന്നു.
.jpg)
No comments:
Post a Comment