Gallery

Gallery

Wednesday, May 14, 2014

കാവ്യ മാധവന്‍, മാധ്യമവിചാരണയുടെ ഇര

കാവ്യ മാധവന്‍, മാധ്യമവിചാരണയുടെ ഇര


അഭിനയിച്ചാലും ഇല്ലെങ്കിലും സിനിമാ വാര്‍ത്തകളില്‍ കാവ്യയുടെ പേരുണ്ട്. സിനിമയ്ക്ക് അകത്തും പുറത്തുമായി ഇത്രയധികം ഗോസിപ്പുകള്‍ക്ക് ഇരയാകേണ്ടി വന്ന ഒരു മലയാളി നടി അടുത്ത കാലത്തൊന്നും ഉണ്ടായിട്ടില്ല. ഈ നീലേശ്വരംകാരിയുടെ നായികാ പദവി മുതല്‍ വിവാഹ ബന്ധം വരെ മാധ്യമങ്ങള്‍ ആഘോഷിച്ച് കൈയ്യില്‍ കൊടുത്തു. കാവ്യ മാധവനും ദിലീപും ജൂണ്‍ 25 ന് വിവാഹം ചെയ്യാന്‍ പോകുന്നു എന്നതാണ് ഈ ഗോസിപ്പുകളില്‍ ഏറ്റവും പുതിയത്. ദിലീപിന്റെ ഫേക്ക് ഐ ഡി വഴി ട്വിറ്ററിലൂടെയാണ് ഈ വാര്‍ത്ത പ്രചരിച്ചത്.


കേട്ടത് പാതി കേള്‍ക്കാത്തത് പാതി സിനിമാ പ്രസിദ്ധീകരണങ്ങള്‍ വാര്‍ത്ത ആഘോഷിക്കുകയും ചെയ്തു. ഫേസ് ബുക്ക് പോലുള്ള സോഷ്യല്‍ നെറ്റ് വര്‍ക്കിംഗ് സൈറ്റുകളിലും വാര്‍ത്തയ്ക്ക് നല്ല പ്രചാരമായിരുന്നു. കാവ്യ മാധവനൊഴികെ മറ്റെല്ലാവരും ഈ വാര്‍ത്ത അറിഞ്ഞിരുന്നു എന്നതാണ് ഇതിലെ രസകരമായ ഒരു കാര്യം. ഇത് മാത്രമല്ല തന്നെപ്പറ്റി പുറത്തിറങ്ങിയ പല ഗോസിപ്പുകളും കാവ്യ മാധവന്‍ മനസുകൊണ്ടു പോലും അറിഞ്ഞിട്ടില്ലാത്തതായിരുന്നു. കാവ്യയുടെ മാതാപിതാക്കള്‍ ഈ വാര്‍ത്ത അറിഞ്ഞിരുന്നു. സംഭവം അവര്‍ നിഷേധിക്കുകയും ചെയ്തു.

സഞ്ജയ് മേനോന്‍ എന്ന ക്യാമറാമാനുമായി കാവ്യ മാധവന്‍ വിവാഹം ചെയ്യുന്നു എന്നൊരു വാര്‍ത്തയും ഇതിനിടയില്‍ പുറത്തുവന്നിരുന്നു. സഹികെട്ട കാവ്യ കേസ് കൊടുത്തതിന് പിന്നാലെ ഈ വാര്‍ത്ത പുറത്ത് വിട്ട വെബ്‌സൈറ്റ് ഓണര്‍ അറസ്റ്റിലുമായി. വിവാഹബന്ധം പിരിഞ്ഞതിന് ശേഷം കാവ്യ സിനിമയിലേക്ക് തിരിച്ചുവന്നത് ദിലീപിന്റെ പാപ്പി അപ്പച്ചാ എന്ന ചിത്രത്തിലൂടെയായിരുന്നു. അന്ന് മുതല്‍ കേള്‍ക്കുന്നതാണ് ദിലീപ് കാവ്യ മാധവനെ വിവാഹം ചെയ്യുമോ എന്ന സംശയം.

No comments:

Post a Comment

gallery

Gallery